Новгород өлкәсендә эзтабарлар тапкан солдатның җәсәден Арча районы Яңа Кишет авылына алып кайттылар

Арча районының Яңа Кишет авылына солдат Закир Вәлиевның җәсәден алып кайттылар. Аны эзтабарлар Новгород өлкәсендә узган ел тапкан. 1941нче елда сугышка китә, укчы полкында хезмәт итә, 42дә - хәбәрсез югала. Бары тик 82 ел узгач кына, Яңа Кишеткә мәңгелеккә кайта ул.

Кызлары һәм оныклары аны туган авылында җирләргә була. Экспедиция вакытында Закир Вәлиевның нинди шәхси әйберләренә тап булганнар? Районда аның исемен ничек мәңгеләштерергә планлаштыралар? Бу турыда Алия Сабирова.