Татарстанда һава шартларына бәйле кисәтү чыкты

Бүген Татарстанның Гидрометеорология һәм әйләнә-тирә мохит мониторингы идарәсе белгечләре урманнарның янгын куркынычлыгы турында кисәтү игълан иттеләр.

"2024 елның 2 июленнән 8 июленә кадәр Татарстан Республикасы территориясендә кайбер урыннарда урманнарның янгын куркынычы югары булыр дип көтелә (4 класс)", - диелә ведомство хәбәрендә.

Шул ук вакытта Татарстанда эсселек көчәя башлаячак һәм атна уртасында термометр баганалары +34 градуска җитәчәк.

Фото: freepik.com