Татарстанда пенсионер 100 000 сум акчасын СВОга ярдәмгә тапшырган

Алексеевск районы Урта Тигәнәле авылы пенсионеры Минач Гыйматдинов СВО хәрбиләренә 100 000 сум тапшырган. Бу хакта "Заря" газетасы яза.

Пенсионер тапшырган акчага ризыклар һәм кирәк-яраклар - берничә капчык азык-төлек, тәмәке, чәй, носки һ.б. сатып алынган.

Минач абый берничә айдан туксан яшьлек юбилеен билгеләп үтәчәк. Аның балачагы Бөек Ватан сугышы елларында уза.

Фото: alekseyevsk.ru