Татарстанда кабат һава торышы үзгәрә

ТР Гидрометеорология һәм әйләнә-тирә мохит мониторингы идарәсе белгечләре Татарстанда һава шартларының начарлануы турында кисәтүне игълан итте.

Синоптиклар чәршәмбе, 10 июльдә, Татарстан җирлегендә урыны белән яшенле яңгыр көтелә, җил тизлеге 15-18 м/с җитәчәк дип фаразлый. Казанда һава агымнары тизлеге 15 м/с булачак.

Болар барысы да +28...+33 градуска кадәр эсселек белән бергә үреләчәк. Казанда термометр баганалары +30..+ 32 градус билгеләренә күтәреләчәк.

Фото: TNV.RU