Татарстанда Оренбургтан килгән гаилә авариягә очраган, өч кеше һәлак булган

Бүген иртән иртүк Казан-Оренбург автомобиль юлының 238нче километрында 41 яшьлек Kia йөртүчесе каршы як полосага чыгып, йөк машинасы белән бәрелешкән. 

Бәрелеш шулкадәр көчле булган ки, җиңел машина йөртүчесе, шулай ук 42 һәм 23 яшьлек ике пассажир урында ук үлгән, дип хәбәр иттеләр Татарстанның ГАИ матбугат хезмәтендә. Гаилә Оренбургтан булган.



Фото: t.me/gibddtatarstan