Татарстанда яшәү минимумын 15 073 сумга кадәр күтәрергә планлаштыралар

Татарстанда 2025 елга яшәү минимумын 15 073 сумга кадәр арттырырга телиләр. ТР Министрлар кабинеты карары проекты хәзер коррупциягә каршы экспертиза уза.

Документ кабул ителгән очракта, җан башына яшәү минимумы 14,7% ка артачак. Эшкә яраклы халык өчен яшәү минимумын 14 317 сумнан 16 430 сумга кадәр, пенсионерлар өчен 11 296 сумнан 12 963 сумга кадәр, ә балалар өчен 12 741 сумнан 14 621 сумга кадәр күтәрергә планлаштыралар.

Фото: pxhere.com