Татарстанда һава торышының кискен алышынуы көтелә

Иртәгә, 18 июльдә, Татарстанда коры һава торышын, кыска вакытлы яңгырлы, яшенле һәм бозлысы алыштырачак. Җил тизлеге 23 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы +13..+18 градуска җитәчәк дип саный. Көндез +24..+29 градуска кадәр җылытачак.

Казанда төнлә температура +16..+18 градуска җитәчәк. Көндезге сәгатьләрдә +26..+28 градус көтелә.

Фото: freepik.com