Татарстанда яуган көчле яңгырлар нинди куркыныч тудыра?

Бу көннәрдә Татарстанда яуган көчле яңгырларны синоптиклар куркыныч күренеш дип атады. Узган төнлә Казанның Идел буе районында гына айлык норманың 80% кадәр явым-төшем теркәлә. 

Ни өчен куркыныч хәлгә охшаган дип атыйлар? Чөнки сәгать дәвамында бик күп күләмдә явым-төшем күзәтелә. Кичә дә Республикада шторм кисәтүе игълан ителгән иде. Бик көчле яңгыр яуган районнар бар. Кукмарада су коймаларны агыза,  Арча, Саба, Тукайда боз ява, Лаешта яшен сугып, йортка ут каба. Бу җәйнең соңгы талпынышымы? Эссе көннәр әле әйләнеп кайтырмы? Рүзәл Шәрипов репортажы.