Яшел Үзәннән күп балалы Поповлар Россиянең иң музыкаль гаиләсе дип табылды

Татарстаннан күпбалалы гаилә Россиянең иң музыкаль гаиләсе дип табылды. Яшел Үзәннән Поповлар Мәскәүдә узган «Вместе. Музыкальная семья года» дигән бөтенроссия конкурсында җиңү яулап кайтты.

Аны Россиянең халык артисты Олег Газманов оештырган. Илнең 47 төбәгеннән 300гә якын иҗади гаилә үз сәләтләрен күрсәтә. Финалга аларның бары 7се генә узган. Шуларның икесе - Татарстаннан.

Алар жюрины нәрсә белән җәлеп итә? Россия күләмендә танылу алган гаилә белән Инзилә Хөсәенова аралашып кайтты.