Ни өчен "Безнең ишегалды" программасы буенча башкарыла торган эшләр тиешенчә үтәлми?

Асфальт вакытында салынмый, ут чыбыгы сузылмый, төзекләндергәннән соң - подрядчы оешмалар эш урынында төзелеш калдыклары калдыра. Гомумән, быел Республикада "Безнең ишегалды" программасы буенча башкарыла торган эшләрнең графиктан соңга калып баруы ачыкланды.

Бу хакта Хөкүмәт йортында узган киңәшмәдә - шимбә көнне Шәһәрләр үсеше институты җитәкчелеге хәбәр итте. Ишегалдында юл салу буенча, эш былтыргы белән чагыштырганда 12 процентка акрынрак бара булып чыкты. Премьер Алексей Песошин беренче вице-премьерга хәлне анализларга кушты.