Татарстанда быел коммуналь тармакта 17 миллиард сумлык эш башкарыла

Татарстанда быел коммуналь тармакта 17 миллиард сумлык эш башкарыла. Су, җылылык торбаларын алыштыру, коммуналь хуҗалык объектлары төзү. Моның өчен федераль үзәк һәм республика акчалары тотыла.

Тик финанслар елдан-ел күбрәк бүлеп бирелсә дә, яңартыла торган челтәрләр артмый. Эш шунда ки, төзекләндерү кыйммәтләнеп бара һәм торбалар бик тиз туза. Бүген Хөкүмәт йортында узган брифингта әлеге тармак җитәкчелеге - 2 еллык модернизация программасының үтәлеше белән таныштырды һәм ремонтның күпме кешегә кагылуын сөйләде. Казанда гына аны һәр өченче кеше тоярга тиеш. Рания Абдрахманова тулырак.