Бүген Татарстанда кыска вакытлы яңгырлар һәм көчле җил көтелә

Бүген, дүшәмбе, 29 июльдә, Татарстанга томан төшәчәк, кыска вакытлы яңгырлар ява. Көньяк-көнбатыш җиле секундына 15-18 метрга кадәр көчәячәк.

ТР Гидрометүзәге фаразлавынча, бүген һава +22..+27 градуска кадәр җылыначак. Казанда +25..+27 градуска кадәр көтелә.

Исегезгә төшерәбез, кичә Мәскәү өлкәсендәге «Патриот» паркында берничә кешене яшен сукты - бер кеше үлгән, өчесе авыр һәм уртача хәлдә.