Быел Татарстанның 34 районында 94 мәктәп ашханәсе төзекләндерелә

Укучылар дәрес вакытында ашарга тиеш түгел! Алар тәнәфестә тукланып өлгерсен өчен Татарстанда мәктәп ашханәләрен капиталь төзекләндерәләр. Быел 34 районда шундый 94 объект яңартыла.

Алар Республика программасына кертелгән. Кайдадыр бөтен балага да урын җитмәгән, кайдадыр кухня иске булгач, Роспотребнадзор канәгатьсезлек белдергән, ата-аналар зарланган.

Казанның 94нче гимназиясендә санитар таләпләр үтәлми торган була. Монда кечкенә ашханәдән зур ресторан ясауларын Илдар Сафиуллин күреп кайтты.