Июльнең соңгы көне ишеп яуган яңгыр, яшен һәм боз белән истә калачак

Иртәгә, 31 июльдә, Татарстанда алмашынучан болытлы, яңгырлы, урыны белән бозлы, яшенле көн көтелә. Төнлә кайбер районнарда томан. Җил тизлеге 24 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы +12..+17 градуска җитәчәк дип саный. Көндез +20..+25 градуска кадәр җылытачак.

Казанда төнлә температура +14..+16 градуска җитәчәк. Көндезге сәгатьләрдә +22..+24 градус көтелә.

Фото: ru.freepik.com