Августта һава торышы нинди булачак?

Августта бөтен Россия буенча диярлек, шул исәптән Татарстанда да, температура нормага якын булачак. Бу хакта гидрометүзәкнең фәнни җитәкчесе Роман Вильфанд «Интерфакс»ка хәбәр итте.

Шулай ук, Вильфанд сүзләренчә, җәйнең соңгы аенда республика территориясендә явым-төшем нормадан артмаячак.

Элегрәк синоптиклар Казанда яңгырлы һава торышының тагын күпме дәвам итәчәге турында сөйләгәннәр иде.

Фото: ru.freepik.com