Түбән Каманың 12 батыр улы СВО зонасына контракт төзеп китте

Түбән Каманың тагын 12 кешесе РФ Оборона министрлыгы белән хәрби хезмәткә контракт төзегән. Бүген яңа хәрбиләр хәрби комиссариаттан хезмәт урыннарына киттеләр, дип хәбәр итә «НТР-24».

Алар Үзәк хәрби округы бүлекчәләре составында СВОда катнашачак. Егетләргә шәһәр һәм район хәрби комиссары Газинур Ситдыйков, хәрәкәтләр ветераннары, туганнары хәер-фатиха бирде.

Исегезгә төшерәбез, Татарстанда 1 августан РФ Оборона министрлыгы белән контракт төзегән гражданнар 1 миллион 705 мең сумга кадәр түләүләр алачак. Тулырак мәгълүмат өчен телефон: 8 (800) 222-59-00 һәм heroes-tatarstan.ru сайтында.

Фото: ntr-24.ru