Татарстанда быел җиһазландырылмаган урыннарда су коенганда 27 кеше һәлак булган

Республикада җиһазландырылган пляжлар санын арттыру судагы һәлакәтләрне киметергә ярдәм итә. Бу хакта "Татар-информ" матбугат конференциясе барышында ТРның Кече суднолар буенча баш дәүләт инспекторы Юрий Венедиктов сөйләде.

"Ел саен үлүчеләр саны кими. Әгәр ике ел элек 94 һәлак булучы, узган ел 82 кеше һәлак булса, быел — 50", - дип сөйләде Венедиктов.

Быел җиһазландырылмаган урыннарда су коенганда 27 кеше һәлак булган. Венедиктов билгеләп үткәнчә, кешеләрнең суда һәлак булуының төп сәбәбе тиешсез урыннарда коену.

Фото: ТНВ