Казанның Декабристлар урамындагы бер йортта фатирның түшәме ишелеп төшкән

Капиталь ремонт аларның төн йокысын качырган. Казанның Декабристлар урамындагы 156нчы йортта берничә көн элек төнге 2дә бер фатирның түшәме ишелеп төшкән.

Гадәттән тыш хәл - түбәне төзекләндерә башлагач килеп чыккан. Хәзер бу өйдәге фатирларга су үтә. Дәүләт Торак инспекциясе капиталь ремонт ясаучы подрядчы оешма эшендә хилафлык тапкан. Төзекләндерү эшләре җитешсезлек белән барган йортлар Казанда берәү генә түгел. Теманы Илдар Сафиуллин дәвам итә.