Атналык һава торышы! Синоптиклар фаразы аянычлы түгел

Бу атна буе да республикада яңгыр явачак. Тотрыксыз һава торышы циклон йогынтысы белән бәйле, ди синоптиклар. Явым-төшемнәр аеруча Татарстанның көнбатышында күп. Август башыннан Кайбыч районында 123 миллиметр яуган, бу айлык нормадан ике ярым тапкырга артык.

Яңгыр сәбәпле урып-җыю эшләре алып барылмый, ул көчле вакытта урамнарда автомобиль хәрәкәте туктала, мәдәни вакыйгаларны үткәрә алмадылар. Яңгыр кайчан туктар, җылы һәм кояшлы көннәр әле булырмы - бу сорауларга җавапны Алия Сабирова эзләде.