Рак белән авыручы Татарстанның атказанган артисты Зөлфия Камаловага ярдәм җыялар

Бездә халык бик ярдәмчел. Без моңа соңгы 2-3 елда йөзләгән вакыйгалар аша инандык. Менә иң соңгы мисалларның берсе. Узган атнада Австралиядән борчулы хәбәр килде. Милләттәшебез, татар җырын, татар моңын дөнья буйлап яңа форматта таныткан җырчы Зөлфия Камалова яман шеш белән авырый, Мельбурн шәһәре клиникасында дәвалана. Үз социаль сәхифәсендә ярдәм сорады.

 10 көн дигәндә Россиядә ачылган счётка гына 600 мең сум акча җыелган. Бер яктан, бәлки бу акча артык зур да түгелдер, әмма тамчыдан җыелган күл - бик катлаулы хәлдә калган татар кызына - җылы сүз кебек - өмет бирә.