Ике көн эчендә Түбән Камадан 15 контрактчы хәрби хезмәткә киткән

Түбән Кама хәрби комиссариатыннан ике көн эчендә 15 контрактчы Үзәк һәм Көнчыгыш хәрби округлар бүлекчәләрендә контракт буенча хезмәткә киткән.

«НТР 24» хәбәр иткәнчә, хәрбиләрне туганнары, хәрби комиссар Газинур Ситдыйков, хәрби хәрәкәтләр ветераннары һәм дин әһелләре озаткан.

Исегезгә төшерәбез, Татарстанда 1 августан РФ Оборона министрлыгы белән контракт төзегән гражданнар 1 миллион 705 мең сумга кадәр түләүләр алачак. Тулырак мәгълүмат өчен телефон: 8 (800) 222-59-00 һәм heroes-tatarstan.ru сайтында.