Ялларга һава торышы билгеле! Татарстанда җылы көннәр сакланырмы?

Татарстанның Гидрометеорология үзәге белгечләре Республикада алдагы ял көннәрендә һава торышы турында мәгълүмат бирде. Фаразлар буенча, Татарстанда антициклонга алмашка яңгырлар киләчәк. Аңа да карамаскатан, җылы көннәр сакланачак.

 24 августка каршы төндә Татарстанда явым-төшемнәр көтелми, һава температурасы +8 дән +13 градуска кадәр (Казанда +10..+12 градус), томан булуы ихтимал. Көндез кыска вакытлы яшенле яңгырлар явачак, һава +22..+27 градуска кадәр җылыначак (ТР башкаласында +24..+26 градус).

Якшәмбе, 25 августта, атмосфера фронтының йогынтысы сакланачак, шулай ук кыска вакытлы яңгырлар көтелә. Төнлә +8..+13 градус (Казанда +12..+17 градус), көндез +22..+27 градус (Татарстан башкаласында +24..+26 градус) булыр дип көтелә.

Фото: freepik.com