Татарстан Гидрометүзәгендә һава торышына кагылышлы кисәтү тараттылар

11 сентябрьдә төнлә-иртән Татарстан территориясендә, Казанны да кертеп, урыны белән томан көтелә. Бу хакта ТР Гидрометүзәгендә кисәттеләр.

Исегезгә төшерәбез, томан вакытында күз күреме начарлана, транспорт хәрәкәте кыенлаша, юл-транспорт һәлакәте ихтималы арта. Җәяүлеләр шулай ук юлларны кичкәндә игътибарлы булырга тиеш;

Автомобильчеләргә хәрәкәт тизлеген киметергә һәм юл йөрү кагыйдәләрен төгәл үтәргә киңәш итәләр. Томанны юлдан читтә һәм куркынычсыз урында көтү отышлырак.

Фото: ТНВ