Питрәч районы СВО башланганнан бирле хәрбиләргә 30 тоннага якын гуманитар йөк җибәргән

Татарстанның Питрәч районы СВО башланганнан бирле хәрбиләргә 30 тоннага якын гуманитар йөк җибәргән. Бу хакта муниципалитетның матбугат хезмәтендә хәбәр иттеләр.

Ярдәм җыюда предприятиеләр, оешмалар, мәгариф учреждениеләре, совет офицерлары берлеге, активистлар, район халкы, шулай ук окоп шәмнәре һәм маскировка челтәрләре ясау белән шөгыльләнүче «Көмеш волонтерлар» катнашкан.

 Исегезгә төшерәбез, 2 сентябрьдән Татарстанда Оборона министрлыгы белән контракт төзүчеләр берьюлы 2 миллион сумга кадәр акча алачаклар. Тулырак мәгълүмат 8 (800) 222-59-00 телефоны аша һәм heroes-tatarstan.ru сайтында.

Фото: пресс-служба Пестречинского района РТ