Татарстанда шторм кисәтүе 20 сентябрьгә кадәр озайтылды

Татарстан территориясендәге урманнарда янгын куркынычы югары булу турындагы шторм кисәтүен 20 сентябрьгә кадәр озайттылар, дип хәбәр иттеләр ТР Гидрометеорология үзәгендә.

«2024 елның 14 сентябреннән 20 сентябрьгә кадәр Татарстан Республикасы территориясендә урманнарда янгын куркынычы югары сакланачак (4 класс)», - диелә ведомство хәбәрендә.

14 сентябрьдә, Татарстанда сизелерлек явым-төшемнәрсез алмашынучан болытлы көн көтелә. Төнлә һәм иртән - томан. Җил тизлеге 3-8 м/с кадәр арта.

Фото: pxhere.com