Казанда Затонская урамы участогын ябачаклар

Казанда Затонская урамы буенча хәрәкәт чикләнәчәк. Бу инженерлык челтәрләрендә җир эшләре үткәрелгәннән соң территорияне төзекләндерү өчен кирәк, диелә шәһәр мэриясе сайтында.

17 сентябрь 0:00дән 30 сентябрь 6:00 сәгатькә кадәр Иске Аракчино урамындагы 4 нче йорт янында машина йөрү юлын тулысынча ябачаклар.

Исегезгә төшерәбез, бүгеннән Суконная урамында транспорт хәрәкәтен этаплап чикләячәкләр.

Фото: ТНВ