Зәй халкы "Татарстанның мәдәни башкаласы" конкурсында катнашты

Республикада "Татарстанның мәдәни башкаласы" конкурсы дәвам итә. Аның барышында һәр район программа әзерләп, Казан тамашачысына күрсәтә. Бу юлы башкаланың Ленин мәдәният йортында 

Зәй халкы сәхнә тотты. "Вакыт тәгәрмәче" дип аталган тамаша әзерләгәннәр. Аны карарга килүчеләрне чигәргә, талчыбыктан кәрҗин үрергә өйрәттеләр. Җыр-моңнары белән дә сөендерделәр.