Татарстанда балалар бакчасы өчен түләүнең максималь күләмен расладылар

Татарстан Республикасында 2025 елга балалар бакчасы өчен түләүнең максималь күләме расланган. Бу карарны ТР премьер-министры Алексей Песошин имзалаган.

Биш көнлек балалар бакчасына йөрү өч баладан кимрәк булган гаиләләргә аена 1013 сумнан 5032 сумга кадәр, ә өч яки аннан күбрәк балалы гаиләләргә аена 507 сумнан 2516 сумга кадәр түләргә кирәк булачак.

Алты көнлек балалар бакчасына йөрү бәясе өч баладан кимрәк булган гаиләләр өчен 4395 сумнан 6045 сумга кадәр һәм өч яки аннан да күбрәк балалы гаиләдәге бала өчен ай саен 2198 сумнан 3023 сумга кадәр тәшкил итәчәк.

Фото: freepik.com