Татарстанда сабыйларга нинди исемнәр кушканнар? Ясминә, Алисә һәм Әскәр

Узган атнада, 16 сентябрьдән 22 сентябрьгә кадәр, Гражданлык хәле актларын теркәү идарәсенең Казан бүлекләрендә 363 бала — 183 малай һәм 180 кыз тууы теркәлгән. Шул ук вакыт аралыгында 333 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Атнаның иң популяр исемнәр арасында Раян, Артем, Марк, Алим, Әмир, Эмир, Макар, Камил, Мирон, Кәрим, Варвара, Ясминә, Алисә, Ева, Әминә, Эмилия, Айлин, Айлинә, София һәм Софья.

Иң сирәк исемнәр Аят, Таһир, Самуил, Ян, Марс, Иннокентий, Илнат, Әскәр, Байрас, Илай, Кирьян, Зәйд, Анабелла, Ария, Имина, Алика, Клементина, Аврора, Елизавета, Злата, Сара, Камалия.

Фото: ТНВ