Казанның Киндерле бистәсе чүп-чарга кумелә башлаган

Казан читендәге бистәләр тагын чүп-чарга күмелә. Ярты ел эчендә "Халык контроле" порталына меңнән артык мөрәҗәгать килгән. Сентябрь аенда гына 200гә якын кеше яза. Экология министрлыгында әйтүләренчә, татарстанлыларның 63 проценты законсыз чүплекләрдән зарлана.

Без Казанның Киндерле бистәсенә юл тоттык. Монда контейнерлар янына ярамаган чүп-чарны машиналарда китереп түгәләр. Ә көндәлек калдыкларны чыгаручы идарәче оешма - күләмле әйберләрне ташырга тиеш түгел. Ул законда каралмаган. Шушы тозакта яшәүче халык белән Илдар Сафиуллин очрашты.