Түбән Камада мәктәптә кыйналган кызның әнисе: "Хастаханәгә мин аны үзем алып бардым"

Түбән Каманың 31нче мәктәбендә килеп чыккан хәл бөтен республика халкын тетрәндерде. Монда 5нче сыйныфта укучы малай үзеннән кечкенәрәк кызны кыйный.

Бу роликта халыкны, балалар арасындагы мөнәсәбәттән бигрәк, укытучыларның битарафлыгы таң калдыра. Алар сугышучыларны аерырга да килми. Хәзер кыз хастаханәдә дәвалана. Аның баш мие селкенгән.

Эчке эшләр министрлыгы тикшерү алып бара. Кыз белән малай арасында низаг ни сәбәпле килеп чыккан? Ни өчен балага беркем дә ярдәм итми? Тулырак - алдагы репортажда.