Нурлатта исерек шофер ГАИ хезмәткәрен машинада өстерәп киткән

Нурлатта исерек шофер ГАИ хезмәткәрен машинада өстерәп киткән. Һәлакәт кичә, 7 октябрьдә, Гыйматдинов урамында Дәүләт автоинспекциясе бинасыннан ерак түгел булган. Бу хакта "Нурлат-информ" хәбәр итә.

Автоинспектор документларны тикшерү өчен автомобильне туктаткан һәм машина йөртүченең исерек икәнен күргән. Хезмәткәрнең машинадан чыгу таләпләрен үтәмичә, йөртүче тизлекне арттырган һәм киткән. Шул ук вакытта ул аны туктатырга теләгән автоинспекторны берничә метр өстерәп алып барган. Хезмәткәр җиргә егылгач, тәртип бозучы качарга тырышып караган, ләкин якынча 500 метр узгач, идарә итүне башкара алмаган, кюветка төшкән һәм, машинасын калдырып, качкан.

Исерек машина йөртүченең шәхесен бик тиз ачыклаганнар - ул 19 яшьлек егет булган. Аңа карата административ материаллар төзелә. Моннан тыш, хакимият вәкиленә карата көч куллану өчен егеткә җинаять җәзасы яный ала.

Фото: ТНВ