Ипотекадан да күбрәк түли идек: Биектауда 300 шәхси йортны газга тоташтырдылар

Республикада бу атнада яңа җылылык сезоны башланды. Шуңа туры китереп, бүген Биектауда 300 шәхси йортны газга тоташтырдылар. Бер үк вакытта, илнең 25 төбәгендә торак йортлар, социаль учреждениеләр зәңгәр ягулыкка кушылды. 

Аларның барысына да Санкт-Петербургтан старт бирделәр. Монда бүген Халыкара газ форумы ачыла. Хәзер илдә яңа микрорайоннардагы биналарга газны - өстәмә газлаштыру программасы буенча кертәләр. Күп балалы гаиләләр яши торган бистәдәге үзгәрешләрне Илдар Сафиуллин күреп кайтты.