Октябрь бетеп килә, ә торбалар боз кебек: Түбән Камада 16 йортта җылылык бирелмәгән

Синоптиклар атна буе җепшек кар вәгъдә итә, ә Республиканың кайбер шәһәрләрендәге өйләргә һаман да җылылык бирелмәгән. Бүген Түбән Камада 16 йортта торбалар боз кебек. Берсендә 100 кеше тора дип кенә санасак та, мең ярым кеше - салкын фатирларга кайтырга мәҗбүр. Шәһәр буенча өч урында торбаларны ремонтлыйлар.

Түбән Камада бу проблема узган кыш иң "кайнар" ноктасына җитте. Монда җир асты торбаларының 80 процентка якыны тузган. Җәен биредә 18 чакрымда челтәрләрне яңартканнар. Беренче ноябрьгә чаклы җитешерләрме? Теманы Илдар Сафиуллин дәвам итә.