Татарстанда быелгы кыш нинди килер? Синоптиклар фикере

Хәзер Татарстан атмосфера фронтлары йогынтысында, шуңа бездә көз өчен җылы һава торышы саклана. Тәүлеклек температура - нормадан 4 градуска артык. Ләкин бу атнада инде суыта башлаячак.

Яңгыр, юеш кар атна буена явачак. Юлларда урыны белән бозлавык булуы ихтимал. Бу хакта гадәттән тыш хәлләр министрлыгында да кисәттеләр, синоптиклар да әйтте.

Узган кыш, чын мәгънәсендә, рекорд куеп, тарихка кереп калды. Казан урамнарыннан гына 2 миллион тоннадан артык кар чыгардылар. Гыйнварда исә - республикада явым-төшемнәр уртача нормадан ике тапкырга күбрәк иде.

Быелгы кыш нинди килер? Әлегә бу хакта әйтергә иртәрәк, ди белгечләр. Шулай да - әкренләп аңа әзерләнергә киңәш итәләр.