Иртәгә Татарстанда көчле буран көтелә

Иртәгә, 3 ноябрь, Татарстанда начар һава торышы сакланачак. Җепшек кар рәвешендәге явым-төшемнәр һәм буран көтелә.  Җил 15-20 м/с ка кадәр көчәячәк, дип кисәтә ТР Гидрометүзәге.

Синоптиклар һава температурасы төнлә -1…-6 градуска кадәр  түбәнәюен фаразлыйлар. Көндез республикада +1... +3 градус булачак.

Казанда 3 ноябрьгә каршы төндә термометр баганалары -2…-4 градуска кадәр төшәчәк. Көндез нульдән -2 градуска кадәр фаразлана.

Фото: pxhere.com