Янгыннан качарга теләгән хатын-кыз өченче каттан сикергән

Чаллының ЗЯБ бистәсендәге Һади Такташ урамындагы 22 нче йорт фатирындагы янгыннан качып, 35 яшьлек хатын-кыз өченче кат балконыннан сикергән.

Хатын подъезд каплавычына егылган, аны ашыгыч медицина ярдәме хастаханәсенә салганнар, дип хәбәр итә Татарстан Гадәттән тыш хәлләр министрлыгы матбугат хезмәте.

Янгын сүндерүчеләр килгәнче подъезддан мөстәкыйль рәвештә 10 кеше чыккан. Янгын сәбәбе ачыклана.

Фото: МЧС РТ