Гидрометеорология үзәге белгечләре Татарстанга килүче күренешләр турында кисәттеләр

ТР Гидрометеорология үзәге белгечләре Татарстанга якынлашып килүче җил һәм бозлавык турында кисәттеләр.

Ведомство хәбәр иткәнчә, якындагы төндә, шулай ук иртән Татарстанның төньяк һәм көнчыгыш районнарында юлларда көчле бозлавык булуы ихтимал.

Моннан тыш, 9 ноябрьгә каршы төндә һәм көндез Татарстанда, Казанны да кертеп, көчле көнбатыш җиле фаразлана, аның көче секундына 15-20 метрга җитәчәк.

Фото: TNV.RU