Шәхси йортта чыккан янгында ике кешенең гомере өзелгән

Бүген төнлә Чистай районы Ишәле авылында Пионер урамында саксыз тәмәке тарту аркасында шәхси йортта ут чыга һәм ике кеше гомере өзелә, дип хәбәр итә Россия Федерациясенең Гадәттән тыш хәлләр министрлыгының матбугат хезмәте.

Беренче янгын сүндерүчеләр килеп җиткәндә, бер катлы шәхси йортның барлык почмагына да ут капкан була. Утның мәйданы 144 квадрат метрны тәшкил иткән.

Һәлак булганнарның гәүдәләре янган конструкцияләрне тикшергәндә табылган. Алар, беренчел мәгълүматларга караганда, 67 яшьлек ир-ат һәм хатын-кыз.

Фото: МЧС РТ