Иртәгә Татарстанда кар яву көтелә

14 ноябрьдә Татарстанда кар яву фаразлана. Җил көнбатыштан һәм көньяк-көнбатыштан 5-10 м/с тизлектә исәчәк, көндез кайбер урыннарда 13 м/с тәшкил итәчәк. Юлларда кайбер урыннарда бозлавык булуы көтелә.

ТР Гидрометүзәге фаразлары буенча, якын төндә республикада минималь температура 0..-5 градус аралыгында була, ләкин көндез температура -1..+3 градуска кадәр күтәрелә.

Казан шәһәрендә төнлә термометрлар  0..-2 градуска кадәр төшә, ә көндез шәһәрдә +1..+3 градус булуы көтелә.

 Фото: freepik.com