Казанда "Татарстанның эшлекле хезмәттәшләре" форумында 400 кеше катнашкан

Бу дүшәмбе татарларны Татарстанга якынайтты. Казанга дөньяның 13 иле һәм Россиянең 60 төбәгеннән милләттәшләр җыелды. Аларның да ниндиләре! 400 кеше - алар барысы да эшмәкәрләр.

Торган авыл-шәһәрләрендә бизнес ачып, башта үзләрен, аннары күрше-тирәне эшле һәм ашлы итүчеләр. Елга бер тапкыр алар "Татарстанның эшлекле хезмәттәшләре" форумында катнаша.

Бүген алар белән Республика Рәисе Рөстәм Миңнеханов очрашты. “Сезнең хезмәтегез, керткән өлешегез - милләтне ныгытуда зур роль уйный”, диде ул. Җылы мохитта узган утырыштан Гөлназ Сәйфетдинова репортажы.