Мәскәүдә ишеп яуган кар Татарстанга килеп җитәчәкме?

География фәннәре докторы, КФУ профессоры Юрий Переведенцев "Челнинские известия"гә биргән интервьюсында Мәскәүдә ишеп яуган карларны әлегә Татарстанда күзәтеп булмаячагын хәбәр итте.

Галим сүзләренчә, бу җылылык саклый торган антициклон белән бәйле. Переведенцев фаразлавынча, безнең аз күләмдә явым-төшемнәр, кар атна азагында гына көтелә.

КФУ профессоры шулай ук билгеләп үткәнчә, кыш башында Татарстанда һава температурасы нульдән -3 градуска кадәр булачак.

Фото: ТНВ