Чаллыда яңа 44 зур автобус йөри башлады

Яр Чаллы халкы яңа транспортлы булды. Шәһәргә 44 яңа автобус тапшырганнар. Аларның һәрберсенә 100дән артык кеше сыя. Бу хакта Татарстан Рәисе Рөстәм Миңнеханов хәбәр итә.

"Республикада җәмәгать транспортын үстерү буенча зур эш алып барыла. Ил җитәкчелеге ярдәме белән без автобус паркын даими төстә яңартабыз. Бүген Яр Чаллы шәһәр маршрутларын 44 уңайлы автобус тулыландырды. Яңа машиналар халыкка озак хезмәт итсен!", - дип яза Рәис үзенең телеграм каналында.

Фото: t.me/rustamminnikhanov