Җырчы Раяз Фасыйхов: Мин балалар белән бер дулкында яшим

Җырчы Раяз Фасыйхов ТНВ телеканалында Гаилә елына багышлап уздырылучы "Яңа ел беләм, гаилә!" телемарафоны кысаларында "Болгар радиосы" студиясендә барган тапшыруда катнашты. 

Биредә ул кызы Венера, улы Рамазан белән үзләренең гаилә гимнын башкарды.

«Балаларның кечкенә чаклары бик сагындыра. Балалар үскән саен, картайганыңны аңлыйсың, диләр, мин үземне алай тоймыйм. Алар белән мин бер дулкында, алар белән аралашу миңа рәхәт», – диде Раяз Фасыйхов.