Казанга дроннар һөҗүм иткәннән соң, Яр Чаллыда да иминлек чараларын көчәйтәчәкләр

Казанга дроннар һөҗүм иткәннән соң, Яр Чаллыда да иминлек чараларын көчәйтәчәкләр. Бүген эшлекле дүшәмбе киңәшмәсендә шәһәр мэры Наил Мәһдиев шундый бурыч куйды. Ул махсус хезмәтләр һәм торак-комуналь хуҗалык җитәкчеләренә йортларны һәм социаль учреждениеләрне тикшерергә куша.

Гадәттән тыш хәл килеп чыкса, халыкны электр энергиясе, газ һәм су белән тәэмин итүдә өзеклек булырга тиеш түгел. Кичә Башкарма комитет хезмәткәрләре предприятиеләргә барып, оператив хезмәткәрләрнең әзерлеген тикшергән. Яшеренү урыннары буенча кимчелекләр күп. Яңа ел бәйрәмнәре вакытында халыкны тагын да игътибарлырак булырга чакыралар.