"Салават күпере"ндә Казанның иң эре хастаханәсен ачтылар

«Салават Күпере» торак комплексында Казанның иң эре күппрофильле хастаханәсе ачылды. Бу хакта Татарстан Сәламәтлек саклау министрлыгы матбугат хезмәтендә хәбәр иттеләр.

Поликлиника бер сменага 750 кешегә исәпләнгән. Яңа учреждениедә терапевтлар, педиатрлар һәм тар белгечләр кабинетлары, хатын-кызлар консультациясе, травмпункт һәм ашыгыч ярдәм филиалы бар.

Шулай ук поликлиниканы рентген аппаратлары, флюорограф, маммограф, компьютер томографы һәм УЗИ белән җиһазлаганнар.

Фото: minzdrav.tatarstan.ru