Татарстанда балаларны уллыкка алу очраклары кимегән

Татарстанда соңгы 5 елда 3 тапкырга диярлек балаларны уллыкка алу очраклары кимегән.

2019да 81 сабый гаиләле булса, 2024тә - 31 генә. Россия буенча чагыштырсак та, күрсәткеч кимүгә таба бара. Шул ук вакытта илнең Бердәм реестрында 33 мең гаилә уллыкка алырга теләп, чират көтә. Базада нибары 1 400 сабый гына бар.

Бала алырга теләүчеләр кимиме? Әллә алар өчен бала җитмиме? Монда төрле сәбәпләр бар. Әлбәттә, беренчесе — демография. Соңгы 10 елда Республикада 20 меңгә азрак сабый туган. Бу, балалар йортларында да чагылыш таба. Чөнки гомуми сан аз булгач, ташлап калдырылганы да аз. Икенче яктан, ата-анага кечкенә яштәге бала кирәк — соңгы 10 елда туу кимегәч, 10 яштән зурраклары кубрәк — ә аларны артык алырга теләмиләр.

Бу мәсәләнең тагын бер ягын әйтмичә булмый. Замана технологияләре бала алып кайта алмаучы ир белән хатынга ярдәмгә килә һәм алар елдан-ел камилләшә. ЭКО, күкәй күзәнәкләрен катырып куеп саклау, суррогат ана хезмәтләре.

Заман шаукымына Инзилә Хөсәенова әти-әниләр һәм белгечләр күзлегеннән карады.