Илгиз Хәйруллин белән хушлашу вакыты һәм урыны билгеле

ТАССРның атказанган мәдәният хезмәткәре, ТР Иҗтимагый палатасының элеккеге рәисе Илгиз Хәйруллин белән хушлашу мәрасиме дүшәмбе көнне 8.00 сәгатьтә Александр Пушкин исемендәге Мәдәният үзәгендә узачак.

«Татар-информ» агентлыгына билгеле булганча, 9.00 сәгатьтә хушлашу митингы башлана. Илгиз Хәйруллинны шул ук көнне Арча зиратында җирләячәкләр.

Элегрәк 86нчы яшендә ТАССРның атказанган мәдәният хезмәткәре, ТР Иҗтимагый палатасының элеккеге рәисе Илгиз Хәйруллин вафат булды, дип хәбәр иткән идек.