Март башында Казанда яңа температура рекорды куелды

9 март якшәмбе көнне Казанда бу дата өчен температура рекорды яңартылды. Бу хакта Татарстан Гидрометеорология үзәге хәбәр итә.

«Казан» метеостанциясе мәгълүматлары буенча һаваның максималь температурасы +6,2 градус тәшкил иткән, ә «Казан-Сокол» авиация метеостанциясендә термометр +6,9 градус тамгасын теркәгән.

Бу көн өчен Казанда һава температурасының алдагы абсолют максимумы +5,4 градуска тигез булган һәм 2020 елга туры килгән.

Фото: ТНВ