Соңгы бер атнада Татарстанда 3 кеше боз астына төшеп киткән

Соңгы бер атнада Татарстанда 3 кеше боз астына төшеп киткән. 2 ир-атның гомере өзелә, 1сен коткарып калырга өлгерәләр. Хәзер температура 0дән югары тора.

Бу - елга, инешләр ачылуына китерә торган һава торышы, ди белгечләр. Шуңа да карамастан, бүген Казансуга 30лап балыкчы чыккан иде. Температура күтәрелү сәбәпле, ай ахырына бездә кар эреп тә бетергә мөмкин.

Гадәттә, Татарстанда апрельдә генә күренә торган акчарлаклар да күченеп кайткан. Табигать үзгәрешләрен Рүзәл Шәрипов күзәтте.